Wednesday, March 20, 2019 Home|Habari|فارسي|Kiswahili
 

Nyumbani|Uislamu|Lugha ya Kifursi|FAQ|Wasiliana nasi|Links|Sitemap
Title
iran
.
Login
Username :   
Password :   
 
Captcha:
[Signup]
NewsletterSignup
Name :   
E-mail :   


Ayatullah Hashemi Rafsanjani ameaga dunia
Ayatullah Ali Akbar Hashemi Rafsanjani, Mkuu wa Halmashauri ya Kuanisha Maslahi ya Mfumo wa Kiislamu Iran ameaga dunia leo baada ya umri mrefu wa jihadi na jitihada zisizo na kikomo kwa ajili ya Uislamu na Mapinduzi ya Kiislamu. Ayatullah Hashemi Rafsanjani amepata maradhi ya moyo leo Jumapili usiku mjini Tehran na madaktari wamejitahidi kumpa matibabu ya haraka lakini hawakufanikiwa. Hashemi Rafsanjani, ambaye ameaga dunia akiwa na umri wa miaka 82, alijiunga na chuo cha kidini akiwa kijana na kuanza masomo ya kidini hadi kufikia daraja ya Ijtihad. Tokea mwaka 1958 alijiunga na mapambano dhidi ya utawala wa kiimla wa Shah ambapo alifungwa jela mara saba na kuendeleza mapambano hayo hadi wakati wa ushindi wa Mapinduzi ya Kiislamu mwaka 1979. Ayatullah Rafsanjani alikuwa mwenye azma imara katika harakati ya Mapambano ya Kiislamu yaliyoongozwa na Imam Khomeini MA. Kati ya nyadhifa ambazo Ayatullah Rafsanjani aliwahi kushika baada ya ushindi wa mapinduzi ya Kiislamu ni pamoja na Rais wa Jamhuri ya Kiislamu ya Iran, Mwenyekiti wa Baraza la Wataalamu wanaomchagua Kiongozi wa Mapinduzi ya Kiislamu, Spika wa Majlisi ya Ushauri ya Kiislamu, Bunge la Iran, Kaimu Amri Jeshi Mkuu, Mwenyekiti wa Baraza Kuu la Ulinzi wa Kitaifa na nafasi aliyoishika hadi kifo chake ni Mwenyekiti wa Halmashauri ya Kuainisha Maslahi ya Mfumo wa Kiislamu.
 10:22 - 10/01/2017 - Comments : 0More >>
Mazazi ya Mtume Muhammada (SAWW)
Kituo cha Utamaduni cha Utamaduni cha Jamhuri ya Kiislamu - Dar es Salaam kinapenda kutoa mkono wa pongezi kwa Waislamu wote kwa kuzaliwa Mtume Muhammadi (SAWW) na Mjukuu wake Imam Jaafar Swadiq (AS)
 16:08 - 13/12/2016 - Comments : 0More >>
Waziri Nape akutana na Mshauri wa Masuala ya Utamaduni kutoka Ubalozi wa Iran kujadili masuala mbalimbali ya kiutamaduni.
Bwana ali Bagheri mwambata wa kituo cha Utamaduni cha Ubalozi wa Jamhuri ya Kiislamu hapa Tanzania mapema hivi karibuni alikutana na Waziri wa Habari, Utamaduni, Sanaa na Michezo Mhe. Nape Moses Nnauye ofisini kwake alipokwenda kumtembelea na kujadili mambo mbalimbali yahusuyo utamadni, katika mazungumzo yao walikubaliana kubadilishana uzoefu wa pande mbili Iran na Tanzania
 08:38 - 1/12/2016 - Comments : 0More >>
matembezi ya ashura
Kwa mujibu wa mwandishi wa IQNA, matembezi hayo ya kufungamana na Ahul Bayat AS na kuwakumbuka wafungwa wa Karbala na hasa Bibi Zainab SA yamefanyika leo Jumapili katika eneo la Temeke jijini Dar es Salaam. Akizungumza na IQNA, Mwambata wa Utamaduni wa Jamhuri ya Kiislamu ya Iran nchini Tanzania Bwana Ali Baqeri amesema katika hafla hiyo, Maulana Sheikh Hemed Jalala, Mkuu wa Hawza (Chuo Kikuu cha Kidini) ya Imam Sadiq AS ya Dar es Salaam, amehutubu kuhusu falsafa ya Ashura. Matembezi hayo yalikuwa katika njia yenye urefu wa kilomita saba huku washiriki wakitoa nara ya Labbayk ya Hussein sambamba na qasida za kutangaza utiifu wao kwa Harakati ya Imam Hussein AS. Matembezi hayo pia yalimshirikisha Shehe Mkuu wa Ahul Sunna mjini Dar es Salaam , Sheikh Mussa Salim Al Hadi , ambaye katika hotuba yake amesema, harakati ya Ashura ni bima iliyouhifadhi Uislamu. Sheikh Al Hadi amesistiza kuhusu kulinda umoja wa Kiislamu na kuongeza kuwa, Imam Hussein AS alikuwa chimbuko la umoja wa Waislamu. Ameongeza kuwa, "daima tunapaswa kukumbuka ujumbe wa Imam Khomeini MA ambaye alisisitiza kuhusu udharura wa umoja wa ulimwengu wa Kiislamu."
 10:40 - 17/10/2016 - Comments : 0More >>
maadhimisho ya ashura
Kiongozi Mkuu wa Waislamu Shia Ithnasheriya Tanzania, Sheikh Hemed Jalala amewataka watanzania kudumisha amani na upendo ili kumuenzi Mjukuu wa Mtume Muhammad (s.a.w.w) Imam Hussein aliyekubali kufa kikatili yeye pamoja na familia yake kwa ajili ya kutafuta amani na ushirikiano baina ya waumini wa kiislamu na wa dini nyengine. Sheikh Jalala ametoa wosia huo leo jijini Dar es Salaam katika matembezi ya amani yaliyolenga kumuunga mkono Imam Hussein ambae alipinga dhuruma, unyanyasaji, ukandamizaji pamoja na matendo yanayopingana na Mungu na binadamu. “Kwa siku hii ya leo waislamu wote duniani wanakumbuka kifo cha mjukuu wa Muhamadi, malengo ya kuuawa ni kurudisha jamii aliyokuwa nayo iwe yenye dini, aliamini dini ya Mungu ndiyo chachu ya amani na maendeleo,” amesema. Amewataka watanzania kuwa na maelewano, umoja, mahusiano mazuri kama alivyotaka Hussein. “Sisi kama watanzania tukiungana wote kuirudisha jamii ya kitanzania kuwa yenye dini, tutaifanya kuwa ni ya wachapa kazi, wasiopenda rushwa, leo hii jambo la kupendana kuhurumiana kuheshimiana na kuvumiliana ni mambo ya kuyaenzi,” amesema. Siku ya Ashura ina maanisha kumbukumbu ya kifo cha Imam Hussein, familia yake na wafuasi wake wa karibu ambao waliuawa kikatili katika Jangwa la Karbala nchini Iraq kwa amri ya Yazid bin Muawiya ambaye alikuwa mtawala wa waislamu wakati huo. Siku ya Ashura huadhimishwa tarehe 10 ya mwezi wa kwanza(Muharram) katika kalenda ya kiislamu, kila mwaka.
 15:51 - 13/10/2016 - Comments : 0More >>
siku ya Ashuru ni huzuni sana
Assalaamu Alaykum Warahmatullahi Wabarakatuh. Kwa kuwadia mwezi wa Muharram, kumbukumbu ya hamasa inayobakia milele ya Karbala hujirudia tena akilini. Kila mtu, na kwa njia tofauti hujenga mawasiliano maalumu na Hussein Ibn Ali (AS) na harakati yake tukufu. Na sababu ni kwamba mapambano ya Imam Hussein (AS) hayakuwa ni vita na makabiliano tu ya silaha. Harakati hiyo ni darasa la somo lenye mafunzo aali na matukufu kabisa ya akhlaqi na utambuzi. Siku Imam Hussein (AS) alipoanzisha harakati yake, sehemu kubwa ya jamii ya watu wa mji wa Kufa walikuwa wapenzi wa Ahlu Bayt wa Bwana Mtume SAW. Watu hao walikuwa wakiufahamu barabara ufasiki na udhalimu wa Yazid na namna asivyofaa hata chembe kuwa kiongozi. Lakini pia wakiitambua vyema hadhi na utukufu wa Imam Hussein (AS). Lakini ni wachache tu miongoni mwa watu hao waliojitolea kumsaidia Imam. Lakini hebu tujiulize, wafuasi wa Imam Hussein (AS) walikuwa na sifa gani maalumu, hata ikawa katika zama ambapo watu wengi walikuwa wameghariki kwenye lindi la usingizi mzito wa mghafala, wao walijitolea hadi pumzi yao ya mwisho kumhami Hussein (AS)? Bila ya shaka moja ya sifa za kipekee za harakati ya Imam Hussein (AS) ilikuwa ni hamasa ya kujivunia na kujitolea mhanga kulikooneshwa na wafuasi wake waaminifu. Kulifahamu barabara tukio la Karbala hakuyumkiniki pasina kuwafahamu wafuasi waaaminifu wa mtukufu huyo ambao basira na muono wa kina waliokuwa nao ndio uliowatoa walikokuwa na kuwafikisha kwenye ardhi hiyo. Moja ya sifa maalumu za wafuasi wa Imam Hussein (AS) ilikuwa ni yakini na maarifa ya kina waliyokuwa nayo juu ya njia waliyoamua kuifuata. Yakini, humfanya mtu awe thabiti katika njia anayoshikamana nayo. Yakini ni mithili ya mwenge uangazao unaoteketeza na kuigeuza jivu kabisa shaka na wasiwasi wowote uliomo ndani ya nafsi ya mtu. Bila ya kuwa na maarifa na utambuzi wa yakini mtu hukengeuka njia sahihi iliyonyooka na kuangukia kwenye dhalala na upotofu. Wafuasi wa Hussein Ibn Ali (AS) walifikia daraja ya maarifa na utambuzi wa kina. Walikuwa wakijua wamejitolea kumpa msaada mtu gani na ni wapi wanakoelekea. Wapenzi wasikilizaji, katika kipindi hiki maalumu tutazungumzia kwa muhtasari kisa cha mmoja wa wafuasi hao waaminifu waliojitolea mhanga nafsi zao katika ardhi ya Karbala.
 10:52 - 4/10/2016 - Comments : 0More >>
Ujumbe kwa Mahujaji wa Nyumba tukufu ya Allah (1437 Hijria)
Kwa jina la Allah, Mwingi wa rehma Mwenye kurehemu Na hamdu zote ni za Allah Mola wa viumbe wote. Na rehma na amani zimshukie bwana wetu Muhammad na Aali zake watukufu na masahaba zake wema na wote waliowafuata wao kwa mema mpaka Siku ya Malipo Kina kaka na kina dada Waislamu wa ulimwenguni kote! Msimu wa Hija kwa Waislamu ni msimu wa kujivunia na wa adhama mbele ya macho ya viumbe; na ni msimu wa kunawirisha nyoyo na kudhihirisha khushuu na unyenyekevu mbele ya Muumba. Hija, ni faradhi takatifu, ya kidunia, ya Kiungu na ya watu. Upande mmoja ni amri ya فَاذْكُرُواْ اللَّهَ كَذِكْرِكُمْ آبَاءَكُمْ أَوْ أَشَدَّ ذِكْرًا Basi mtajeni Mwenyezi Mungu kama mlivyo kuwa mkiwataja baba zenu au mtajeni zaidi; na وَاذْكُرُواْ اللَّهَ فِي أَيَّامٍ مَّعْدُودَاتٍ yaani Na mtajeni Mwenyezi Mungu katika zile siku zinazo hisabiwa. Na upande mwingine tunahutubiwa: الَّذِي جَعَلْنَاهُ لِلنَّاسِ سَوَاء الْعَاكِفُ فِيهِ وَالْبَادِ Ambao tumeufanya kwa ajili ya watu wote sawasawa, kwa wakaao humo na wageni. Haya yanaweka wazi kabisa upeo mpana usio na kikomo na wa hali tofauti wa Hija.
 14:09 - 6/09/2016 - Comments : 0More >>

<< Previous1 2 3 4 5 6 7 8 9 10 Next Page >>





Search
Advance Search Web Search
banners
Kiongozi Muadhama

Imam

Rais wa Jamhuri ya Kiislamu ya Iran

presstv

Radio Tehran

Al-hikma

Iqna

Irna

Mubaligh

Jamiatul Mustafa (SAWW

Islamica

Rayhanee
vote
Disable
UsersStats
Visitorsofpage: 15196
Visitorsofday : 9
Visitorsofpage : 70371
Onlinevisitors : 1
PageLoad : 0.8281

Home|Habari|Kutuhusu|Programu|Historia ya mahusiano ya kitamaduni|Mahusiano ya jumuia zingine |Machapisho|Ushirikiano na Maktaba zingine|Matukio ya Kiutamaduni|Ofisi zingine za Iran